დარიშხანშემცველი წარმოების ნარჩენები, როგორც მატერიალური რესურსი ახალი ნაერთების მისაღებად

ავტორი: მაია რუსია
თანაავტორები: იზოლდა დიდბარიძე
საკვანძო სიტყვები: დარიშხანი, წარმოების ნარჩენები
ანოტაცია:

ქიმიის მეცნიერების განვითარების თანამედროვე ეტაპზე სულ უფრო აქტუალური ხდება ახალი იაფი ნედლეულის ბაზის მოძიება და შექმნა. სპეციფიკური თვისებების კოორდინაციული ნაერთების მისაღებად დარიშ-ხანის წარმოების ნარჩენების გარდაქმნის შედეგად მიღებული პროდუქტების გამოყენება, ნედლეულის მზარდი დეფიციტის პირობებში, ხელს შეუწყობს შესაბამისი ნაერთების არა მარტო ახალი, კომერციულად საინტერესო ფორ-მების შემუშავებას, არამედ გადაჭრის მნიშვნელოვან პრობლემას – დაიცავს გარემოს დარიშხან-შემცველი ნარჩენებით დაბინძურებისგან. ამ პრობლემის გადაჭრის ერთ-ერთ ეფექტური გზაა დარიშხანშემცველი სამრეწველო ნარჩენე¬ბიდან ახალი ბიოაქტიური კოორდინაციული ნაერთების მიღება. ლიტერატურიდან ცნობილია, რომ პოლიელემენტური კოორდინაციული ნაერთები მრავალ საინტერესო თვისებას ავლენენ, რაც მათი ფართო პრაქ-ტიკული გამოყენების შესაძლებლობას იძლევა. უკანასკნელ წლებში ამ ტიპის ნაერთებიდან განსაკუთრებულ ინტერესს იწვევს ისეთი კომპლექსნაერთები, რომლებიც აზოტსა და d-მეტალებთან ერთად შეიცავენ ტეტრათიოარსენატის ჯგუფებს. ჩვენი კვლევის მიზანია ზემოაღნიშნული წარმოების ნარჩენების გარ-დაქმნით მიღებული პროდუქტების (ტეტრათიოარსენატების) ბაზაზე ერთ-ერთ პერსპექტიულ და ხელმისაწვდომ აზოტშემცველ ლიგანდთან (პირიდინთან) ზოგიერთი d- და f-მეტალის კოორდინაციული ნაერთების მიღება და შესწავლა, რომლებსაც შესაძლოა მაღალი ბიოაქტიურობა აღმოაჩნდეთ. კვლევის მიზანს შეადგენდა, აგრეთვე, გამოსავალ ნედლეულად დარიშხანის შემცველი წარმოების ნარჩენების გამოყენება, მათგან პრაქტიკულად მნიშვნელოვანი არაორგანული და ორგანული პრეპარატების მიღება.